手紙之情 2

好快我就要返香港啦!我好唔捨得呀!但係都冇辦法!返到香港之後,我為左想多謝斗斗個幾日照顧我,於是我就寄左張多謝卡送俾佢!過左幾日後,我突然收到由日本寄黎既信,一拆開黎睇發現原來係斗斗寫信俾我既信!問我可唔可以同佢做pen friend喎?我梗係話好啦!

就係咁樣我就同斗斗通左信兩個月啦!之後收到佢封信佢話佢會黎香港玩喎!佢問我可唔可以帶佢去玩呀?我心諗:「好呀!我又可以見到斗斗啦!仲可以帶佢去玩呀!」過左一個禮拜後,斗斗黎左香港呀!於是我就帶佢週圍玩!個五日我同斗斗都玩得好開心呀!但係開心既時間就過得特別快!好快就過左個五日啦!斗斗亦都要返去日本啦!我好唔捨得佢走呀!但係佢唔走唔得啦!所以最後佢都係返左日本呀!但係斗斗係臨走個陣時送左條手鍊俾我!當我返到屋企拆開黎睇個陣時見到有張卡,而卡入面寫住:「Toko!我可以識到你我好開心呀!亦都多謝你呢幾日黎既招待,我知你呢幾日都係特登請假黎陪我,但係如果下次要返學就唔好陪我啦!」我當時心諗:「下? 你又知我請假?」之後我寫信問佢點解會知我請假既? 佢回信講:「我知道香港個段時間係要返學,仲諗住你會陪唔到我架!點知你專登請假,仲黎機場接我,所以我當時好開心呀!但係另一方面我亦都好擔心你呀!因為我驚你會追唔到D功課呀!所以為左多謝你陪我同埋帶我週圍去玩就送條手鍊俾你啦!」我回信俾佢講:「唔駛多謝我啦!條手鍊好靚呀!我會成日戴住架啦!當我知道你知道我請假個陣我自己都好突然呀!下次我日本你都要帶我週圍玩架!」

過左冇幾耐我就黎生日啦!但係我唔好意思同斗斗講我就黎生日喇!因為我覺得咁樣好似有心叫佢送禮物俾我咁!但係當我又收到斗斗寄俾我既信既時候斗斗就係封信到寫:「Toko!好快就係你生日啦!我係呢度預先祝你生日快樂先!禮物就遲D再送俾你啦!因為我仲未諗到送咩野俾你呀! 」