手紙之情 1

我係一個香港女仔,我叫做Toko,我係因為睇香港Kinki Kids concert先識斗斗呢個人!但係我睇完concert之後好鐘意斗斗啦!
每年既12月我地成家人都會旅行,而今年我地去既地方係日本既北海道呀!係去到個陣我要玩滑雪!但係我玩左一陣我就唔小心扭到隻腳呀!當時附近又冇人喎!但係過左一陣有個男仔見到我坐左係度,於是走埋黎問我,佢:「小姐!發生咩事呀?」我:「我唔小心扭到隻腳呀……」我野都未講完佢就扶起我,跟住佢問:「你住邊間旅館架?我帶你返去啦!」我:「好呀…唔該你呀!我就住係前面個間旅館呀!」佢:「哦…」跟住我就同佢一齊返去旅館!但係個陣我都未望過佢個樣!返到旅館之後,我媽咪問我:「發生咩事呀?」我:「我唔小心扭到腳呀!好彩係呢個人送我返黎咋!」當我講完之後我就望下個男仔個背影,發現點解會咁熟既?係邊度見過呀?跟住我諗左一陣就諗到佢係斗斗呀!跟住我就即刻叫下係唔係佢啦!我:「你係唔係Toma呀?」佢:「係呀!你點解會識我既?」我:「你真係斗斗呀?我係Kinki Kids concert見過你呀!好開心呀!我係concert見過你之後就好鐘意你啦!」佢好怕羞咁講:「係呀?原來我係Hong Kong都有fans架?我都好開心呀!」之後因為我扭到隻腳,所以唔可以走出房!之後個幾日,一日三餐都係叫人送上黎!但係次次都係斗斗送上黎呀!好開心呀!過左幾日後,我問:「我可唔可以叫你做斗斗呀?」佢:「好呀!我都好鐘意人咁叫我!」我:「斗斗呀?點解你會係呢度既乜你唔係東京既咩?」佢:「哦!係呀!但係我而家放緊假,遲D就會返去東京架啦!」我:「係呀!但係我諗都冇諗過會係呢度識到斗斗你呀!」就係咁樣我就過左呢幾日好開心開日子啦!