愛 2

「喂…愛呀!!」唉….翔佢無咩事都唔會係返工時間打返屋企咖啦。
所以我知佢肯定唔記得拎d野,我:「唔洗問,梗係又唔記得拎野啦!!」
翔:「嘻嘻…我唔記得帶手提呀,我而家用緊”相葉”個個咋!!」
佢個相葉要講得特別大聲咖~
我:「哦….好丫….咁即係唔洗我拎過黎俾你啦!!係咁啦,byebye~~」
翔:「唔係唔係…..唔該妳丫,我個靚妹妹….」
我:「你唔好講d令自己反胃既說話啦!!我而家拎俾你丫!!」
翔:「Thank you!!」
我:「不過……」
翔:「不過???」
我:「我知你地而家練緊舞,我要留係度睇!!」
「妳都係想睇某人0者!!」我聽到翔係度偷笑呀,我:「關你鬼事!!」
翔:「ok la~~等我練完舞同佢地一齊食飯啦,我知屋企無飯食!!」
我:「好呀…..」

松潤同我一齊話:「好味呀…」
二宮:「睇唔出愛妳都幾大食bo!!」
我:「哈哈~~我好多野你地都唔知咖。」
相葉:「係呀?!聽妳大佬講,你讀書都幾掂bo!!」
相葉主動同我講野呀,好開心,我:「ok la~~唔係好掂咋,d a/c好鬼難呀,全部英文,明d唔明d囉!!」
大野:「原來妳讀a/c咖!?」
我:「唔..…好難呀!!!」
松潤:「大就讀經濟,細就讀a/c,第時兩兄妹開舖頭就天下無敵啦!!」
二宮:「係呀..…兩個都係讀商科。」
我:「但係我d英文唔得呢,a/c又越黎越深,越黎越多數計,我數學最差!!」
翔:「係喎…..相葉d英文好勁咖….」
松潤:「係呀…不如叫相葉幫愛補下習啦!!」
我:「乜相葉英文好勁咖!?」
二宮:「舊年我地去美國拍素顏2同雜誌d相,佢都有講英文呀!!」
大野:「重好勁添!!」
相葉:「唔係咁都要講呀?!」
二宮:「好野怕咩人講喎!!」
翔:「咁你肯唔肯教我個妹先?!」
佢地真係老實不客氣,我:「你地傻左咩?!相葉佢都要練舞,唱歌咖,已經好多野做。」
相葉:「唔緊要…教妳唔係問題呀!!」
我:「你唔好聽佢地亂講啦,唔識咪唔識囉,算啦!!」
翔:「相葉都話肯咯,唔好講咁多,聽日妳一夜學就拎d功課黎事務所啦!!」
點解佢乜都幫我決定哂咖,唉…