愛 15

究竟點同雅紀講先岩呢?!
我唔知點講呀…..我淨係覺得好驚,唔知點面對佢。
但係我點都要同佢講清楚,唔可以俾佢誤會!!
我:「其實…..件事唔係好似小麗咁講咖!!我同個個藤井師兄咩都無發生過呀!!」
雅紀:「但係點解佢話全校都話妳地係金童玉女呀?!咁襯?!無一齊會咁講?!」
我:「d人無聊之嘛!!」
雅紀:「又唔見d人無聊話我同邊個邊個咁襯?!」
我:「你係咪唔信我呀?!」
雅紀:「係我唔知信唔信好呀……我…又唔係同妳一齊返學,點知妳做過d咩呀~~」
我:「咁你係咪唔信我呀!?」
雅紀:「我唔知呀…….」
我竟然可以好平靜咁同佢講:「既然你唔信我,再落去大家都會好辛苦,分手啦!!」
雅紀:「妳講咩話?!」
我:「你都唔信我,與其再係一齊,倒不如大家分開!!」
我真係千萬個不願意,但係佢竟然唔信我呀,點解喎?!
佢知道我絕對唔會咁做咖,但係佢都係唔信我~~
我覺得好心痛呀…..我無係雅紀面前喊!!
但係我一擰轉面走既時候…..已經再忍唔到啦!!

呢幾日我都無心機聽書,個腦只係諗住相葉!!
翔曾經同我講,佢想同雅紀講清楚,但係我叫佢唔好…
因為始終都係兩個人既事,我想平平靜靜咁完結係最好咖~~
我隻眼已經喊到腫哂,人地問我重咩事,我都唔知點答好!!
只係答:「無野呀…..」
其實隻眼一d都唔痛,最痛個樣都係個心!!

翔:「愛..…..」阿哥個樣好緊張呀!!
我:「咩事呀?!」
翔:「雅紀佢..…佢去左搵藤井呀!!」
雅紀去左搵藤井?!
翔再話:「佢地而家係體育館呀!!」
我咩都無講就跑左去體育館,究竟雅紀想點呀!?