決戰 8

我好緊張:「唔係呀?唔好玩啦...」 勇助突然變得好認真:「真係o架!!佢地兩個認真o架..佢地兩個都好好o架...你諗清楚啦!!!」 我都突然變得好緊張:「唔怪得之佢地兩個成日搵我啦...我都知佢地兩個好,不過我父母一定唔比我拍拖o架...」 勇助:「咁又係..不過佢地成日忙住做野,都唔得閒理你啦..」
我:「其實我唔想Makki & Rikiya因為我而影響佢地既事業同埋友情呀...」
勇助:「唔會o架..佢地講好o左o架喇..唔會有影響o架...」 我:「唔好講喇...或者...我兩個都唔揀呢...我到喇...Oyasumi!!」 勇助:「咁你自己諗下啦...」
之後我就沖o左返屋企.....
自從尋晚勇助講完Rikiya & Makki一齊追我件事之後,搞到我冇心機溫書,又冇覺好訓呀.....
綾子:「裕美...你今日做乜呀?成日都唔出聲既,同o個個牧野嗌o左交呀?」 我:「唔好再提佢喇,好煩呀...」 美生:「真係比我地講中o左,佢對你有意思呀?」 綾子:「究竟佢係邊個黎o架?」 美生:「你講比我地知啦...」後來我一五一十咁講晒比佢地兩個知....

美生好大反應:「下...原來係Johnny's Jr. FIVE 既牧野呀!點解你會識佢既?」
綾子:「佢同中江川一齊追你呀?佢真人型唔型呀?」 美生:「介紹比我地兩個識呀...」佢地兩個係我耳邊好嘈呀,我大嗌:「唔好嘈啦...」 綾子 & 美生即刻唔敢出聲,我:「Sorry呀!頭先咁大聲..不過我真係希望你地唔好講比人知呀...」 綾子 & 美生從來未見過我咁煩,所以佢地冇再問我Rikiya & Makki件事喇......

因為今日要學鼓,所以我冇同美生 & 綾子放學,我就一個人返o左屋企...「Do...Do...」 勇助:「喂,裕美呀,我今日可能要遲D先上黎呀,你係屋企等多一陣呀...」 本來我係5:00學鼓,但係今日要等到成6:00,「叮噹...」我心諗:「梗係勇助黎喇...」