決戰 10

勇助:「裕美...」 我好突然「點解你會係到既?你今日唔係約o左Makki佢地去夾Band咩?」 勇助:「係呀!諗住同埋你一齊去呀嘛...」
綾子:「咁我地唔阻你喇...你有咩諗唔通就搵我地啦...ByeBye...」
之後就得返我同勇助兩個.......

勇助:「我聽佢地講,Rikiya & Makki今日會比返份歌詞你喎...」 我心情好平靜:「係呀...」 勇助好似好知我心意:「其實我一早知道你會揀邊個o架喇,不過你唔知點同佢地講之嘛,係咪?」
我笑住口:「你好似好明白咁喎...不過,你講得冇錯呀...」 勇助:「咁你想點呀?」 我:「唔好問我啦,我唔想答呀!!」 勇助好無奈:「我唔會迫你既,因為最終決定都係o係你手,係自己諗清楚啦...」

上到去Band房,Makki & Rikiya分別好輕鬆咁唱出佢地為我所作既詞.....
當佢地分別唱完之後,大家都靜o左落黎,好似係到等緊我既答案咁...我一時之間都唔知點算好,突然Ryota:「裕美,你覺得點呀,佢地D詞好唔好呀?」 勇助係咁多人面前:「大家都知道Makki & Rikiya作呢兩首歌既詞係為o左裕美,而呢一刻迫佢係Rikiya & Makki之間...」 勇助未講完,Makki就搶住黎講:「如果裕美係呢一刻能夠作出決定,就梗係好啦,但係我地係唔會迫裕美你o架,我唔想你為o左我地兩個而唔開心,我亦唔想見到你唔開心,我地兩個已經一早約定好,無論你揀邊個,都唔會影響到我地兩個o架,所以你放心喇.....」